Person 1:
Mais ai se stig fe yu
Ai se miek a lak, bai de flauwa
Wathen els ai haeta duu
Ai bin hiiwaut ‘ puluu
Fe ketch hoel yus haat
En trai nort fe klai
Wen yu aect waawaha
Ai se tin ‘ai orn
Yus plan saka lieg
Ai gwen pat mais shu
Niith yus norf’k pain bied
Dumain yu kaa du, en yu luk kaina oelda
Yu daa guud fe sii et
En yu es mais tintoela
Person 2 :
Dem flauwa yu se bai
Smel semes a baekastaf
Dem puluu yu hiiwaut
Naewa haet kwait enaf
En dumain yus faet baeli
Yu el pat orn a baegi trausas
En ai el fech wan bieg fe yus hied
Bat...
Ai se tin’ai orn
Yus morga baendi lieg
Kam tu mi yus shu mait fet
Andaniith mais Norf’k pain bied
Ai dumain yu se spekl
Yu jes a letl oelda
En yu daa guud fe sii et
Kos yu es mais tintoela
Person 1 :
Kam tu mi wi se slai
En naewa gwen a paat
Soe tek awaa hiya lornga mi
Kaa du yu briek mais haat
Person 2 :
Wel kiip yus haan orf mais tonno
Bembeya ai plant yu orn aa graund
En dem haeta sing daa Pitkern Aenthem
En tek yu daun’taun
Person 1:
Mais diya yu kaa watawieh
Ai se stig fe yu
En ai dumain ef yu nor laik mi
En ai dumain ef yu du
Kos ai se tin’ai orn
Yus plan saka lieg
Person 2 :
En yu se pat orl yuus shuu
Niith mais Norf’k pain bied
Person 1 :
Dumain kaa du, en yu luk kain oelda
Person 2 :
Dumain yu hau ama’ula
Person 1 :
Yu es mais wan en uni tintoela
No comments:
Post a Comment